Make your own free website on Tripod.com

The Book of Poems - II

Page II



    Apni Ruswai, teray naam ka charcha daikhoon
    Eik zara shair kahoon aur mein kaya kaya daikhoon

    Neend aa jaye to kaya mehfalain barpa daikhoon
    Aankh khul jaye to tanhai ka sehra daikhoon

    Shaam bhi ho gai, dhundla gai aankhain bhi meri
    Bhoolnay walay mein kab tak tera rusta daikhoon

    Sab zidain uss ki mein poori karoon, har baat sunoon
    Aik bachchay ki tarha say usay hansta daikhoon

    Mujh pay chha jaye woh barsat ki khushboo ki tarha
    Ang ang apna usi rut mein mehakta daikhoon

    Tu meri tarha say yakta hae, magar meray habib!
    Ji mein aata hae koi aur bhi tujh sa saikhoon

    Mein nay jis lamhay ko pooja hae,usay bas eik baar
    Khawab ban kar teri aankhon mein utarta daikhoon

    Tu mera kuchh nahi lagta hae magar jaan-e-hayat
    Janey kiyon tairey liye dil ko dharakta daikhoon

    TU MERA KUCHH NAHI LAGTA HAE MAGAR JAAN-E-HAYAT

                                 - Parveen Shakir





Back to Literature

Visit my Home