Make your own free website on Tripod.com

The Book of Poems - II

Page III

                    Khalish

   Ajeeb tarz-e-mulaqaat ab kay bar rahi
   Tumhi thay badlay huvay ya meri nigahein thein
   Tumhari nazron say lagta tha jaisay meri bajaye
   Tumhare ghar mein koi aur shakhs aya hae
   Tumharay ohday ki dainay tumhein mubarak
   So tum nay mera sawagat usi tarha say kiya
   Jo afsaraan-e-hakoomat kay aticait mein hae!
   Takalufun mairay nazdeek aa kay bhaith gae
   Phir ehtamam say mosam ka zikr chhair diya
   Kuchh uss kay baad sayasat ki baat bhi nikli
   Adab par bhee koi dau char tabsray farmaye
   Magar na tum nay hamaisha ki tarha yae poochha
   Kay waqt kaisa guzrta hae tera, jaan-e-hayat!
   Pahaar din ki aziyat mein kitni shiddat hae
   Ujaar raat ki tanhai kaya qayamat hae!
   Shabon ki sust ravi ki tujhay bhi shikwa hae?
   Gham-e-firaq kay qisay, nishat-e-wasl ka zikr
   Rawayatun hi sahi, koi baat tho kartay

                             - Parveen Shakir





Back to Literature

Visit my Home