Make your own free website on Tripod.com

The Book of Poems - III

Page I

                         

  HontoN pay kabhee un kay mera naam bhee Aa'ay
  Aa'ay toe sahee, barsar-e-ilzaam hee Aa'ay

  HeraaN haiN lab basta haiN, dilgeer haiN ghunchay
  Khushboo key zubani tera pegham hee Aa'ay

  Lumhaat-e-mussarrat haiN tasawwur say guraizaN
  Yaad Aa'ay haiN jub bhee ghum-o-Alaam hee Aa'ay

  TaaroN say sajaa laiN gay rah-e-shehar-e-tamannA
  Maqdoor nahiN subh chalo shaam hee Aa'ay

  Kya rah badal nay ka gila hum safaroN say
  Jis rah say chaltay tere dar-o-baam hee Aa'ay

  Thak haar kay baithay haiN sar-e-ko'oe tamannA
  Kaam Aa'ay toe phir jazba-e-nakaam hee Aaa'ay

  Baaqi na rahay saakh Ada dasht-e-janooN key
  Kil maiN agar undesha-e-unjaam hee Aa'ay

                            -Ada Badayuni






Back to Literature

Visit my Home