Page IX

                         
  Hamare darmayan ais koi rishta nahi tha
  Tere shanoon pe koi chhat nahi thee
  Mere zimmay koi aangan nahi tha
  Koi waada teri zanjeer-E-pa ban-ne nahi paya
  Kisi iqrar ne meri kalai ko nahi thama
  Hawa-E-dasht ki manin
  Tu azad tha
  Raste teri marzi ke tab e thay
  Mujhe bhee apni tanhai pe
  Deikha jaye tau
  Poora tassaruf tha

  Magar jab aaj tu ne
  Rasta badla
  Tau kuchh aisa laga mujh ko
  Ke jaise tu ne mujh se be-wafai ki!

                       - Parveen Shakir

Back to Literature

Visit my Home