Page I

                         

  daayam  paDa  huaa  tere  dar  par naheeN  hooN maiN
  KHaak 'eisee zindagee pe ke patthar naheeN hooN maiN

  kyooN  gardish-e-mudaam se ghabra na jaaye dil ?
  insaan hooN, pyaala-o-saaGHar naheeN hooN maiN

  kis   waaste   'azeez   naheeN   jaante   mujhe ?
  laal-o-zumarrud-o-zar-o-gauhar naheeN hooN maiN

  karte ho  mujhko  man'a-e-qadam_bos  kis liye ?
  kya aasmaan ke bhee baraabar naheeN hooN maiN ?

  'GHalib'   wazifaa_KHwaar  ho,   do  shaah  ko  duaa
  woh din gaye ki kehte the, "naukar naheeN hooN maiN"

                                          - Ghalib

Back to Literature

Visit my Home