Page VI

                         
   Teri khushboo ka pata karti hae
   Mujh pe ehsaan hawa karti hae

   Shab ki tanhai mein ab tau aksar
   Guftagoo tujh se raha karti hae

   Dil ko us rah pe chalna hee nahi
   Jo mujhe tujh se juda karti hae

   Zindagi meri thee lekin ab tau
   Tere kahne mein raha karti hae

   Us ne deikha hi nahi warna yae aankh
   Dil ka ehwal kaha karti hae

   Be nayaz-E-kaf-E-darya angusht
   Rait per naam likha karti hae

   Shaam parte hi kisi shakhs ki yaad
   Koocha-E-jaa n mein sada karti hae

   Mujh se bhe us ka haw waisa hi sulook
   Haal jo tera ana karti hae

   Dukh huva karta hae kuch haur bayan
   Baat kuchh aur huva karti hae

                       - Parveen Shakir

Back to Literature

Visit my Home